تدخين البنات

[helmy]

سالخير عليكوا يا ناس

مش عارف انتوا بقيتوا شايفين الموضوع زيى كده ولا لأ

بس هو فعلا اللى انا حاسه دلوقتى ان البنات اللى بتدخن بقت موضة

لانى تقريبا كل يوم بشوف ع الاقل واحدة بتدخن ده ع الاقل خلوا بالكم

هو اه انا بشوف من زمان بنات وستات بتدخن بس مش كتير كده زى دلوقتى

يعنى بجد بقيت بشوف مناظر غريبة يعنى اشوف بنت قاعدة مع ولد البنات هى بتدخن وهو لا

وفى كافيه مرة شوفنا اتنين ستات ومعاهم بنت صغيرة شكلها بنت حد فيهم

والتلاتة ماسكين شيش وشغالين الله ينور ده حتى البنت عادى كده

ده غير كمان ان فى بنات بتحشش لوحد بيروح كورنيش المقطم هيلاقيهم قالبينها هناك

يعنى بجد انا لو قعدت احكيلوا على المناظر اللى بشوفها مش هتصدقوا اصلا

يعنى ده حتى الموضوع فى الجامعة بقى عادى وشوفت بنات فى جماعة القاهرة بيشربوا سجاير عادى كده

مش عارف بجد الموضوع ده حارق دمى ومش لاقيله سبب لاى بنت انها تدخن

يعنى الولاد مع اعتراضى على فكرة التدخين اساسا بس سهل اوى ان الولد ممكن يدخن

[عاشقه القمر]

غريبه اوى يعنى الولاد من حقهم يدخنوا والبنات لا المفروض الى يكون معترض يكون على التدخين ذاته مش على نوع الى بيدخن ولد ام بنت هو البنت اما هدخن هتنضر والولد اما يدخن مش هينضر ولا مفيش هجوم على تدخين الشباب لانه فى نظرك انه راجل وطبيعى انه يدخن على العموم التدخين ضار بالصحه ومن المفترض ان الانسان يحافظ على صحه من الامراض الخطيره التى يسببها التدخين وفى الاول والاخر هى حريه شخصيه

[صمت البوح]

والله يا اخت التدخين مضر سواء للبنات او الاولاد والله يستر علينا وعلى جميع المسلمين