عـــــــــاتبوهـــــــــا...

[شمه حلوة الهمه]

عاتبوها
***
بعد ما قابلتني عاتبوها
على شوف الحبايب حاسبوها
***
خذوها و بعدوها غصب عني
و عن وجه طريقي جنبوها
***
و شالوها عن عيوني غصيبه
عواذل و غصبوني و غصبوها
***
خذوها من يديني شوف عيني
وعن عيني تعدوا و احجبوها
***
كلام و صدقوا بالبنت كذبه
وهم اللي من الأول كذبوها
***
وهم وش دخلهم في مال بيد
لبوها و الخلايق طالبوها
***
وفيّه ما تخون ولا تعاند
جسوره و المواعيد أرعبوها
***
ملاك و كامله و الكامل الله
و لكن العواذل عذربوها
***
وهي كل ما دعت لي تشتكي لي
عن اللي سالفتنا سربــوها
***
تخاف و تلتفت مع كل كلمه
تظن ان العواذل راقبوها
***
تلفت عقب ماهي جريئه
شجاعه ما تهاب و هيبوها
***
و هديها و انا حاير و ثاير
مصيبه يا عذاب عذبوها
***
وهم كل ما خذوها عن طريقي
تراهم صوب قلبي قربوها
***
و انا ما تعبت قلبي خيانه
خيانه رتبوها و حسبوها
***
ولا يعجز خفوقي لا يقابل
جفا من حاربوه و حاربوها
***
و انا لي عزةٍ تفرض عليَّ
أخاطب بالجفا من خاطبوها
***
و كسِّر لوحة الماضي و زيله
و خربها مثل ما خربوها
***
و ذوقهم ندم ما صار فيها
و اشرب هم من اللي ما شربوها
***
و ادلعها و ولعها بنفسي
و اشرقها بعد ما غربوها
***
و اعوضها عن اللي راح كله
و عن ذيك الليالي كل ابوها
***
غلاها بالحشا لا زال ثابت
ولو حتى بغيري حبُبوها
***
غلاي بقلبها مر و تعدا
غلاها لأمه ولا لبوها


وسلامتكم

[فارس الاحلام]

وهم وش دخلهم في مال بيد
لبوها و الخلايق طالبوها
***
و كسِّر لوحة الماضي و زيله
و خربها مثل ما خربوها

مشششششششكوره اخت شمه

[شــهــد]

يسلموووووالانامل كلمات في غاية الرقه والعذوووووووبه

[شمه حلوة الهمه]

تسلمووووووووووووووا يالغوالي للمرور لا خلا ولا عدم