أحبــــــــــه بس حبه متعبني

[الامـــ قلب ـــارات]

أحبـه والكـل يشهد بغـلاه أحبـه ومنـه الله لا يحرمنـي

أعشـق فيه جمالـه يامحـلاه و لون عيونـه اللي تذوبنـي



ياويلـي عليه لو بس ألقـاه يروح يومه كله وهو بحظنـي

لكن الزيـن مايكمل حـلاه حبه حلو لكنه حيل متعبنـي



يبيـني طـول الوقت وايـاه ماأتركـه و لا يبي يتركنـي

مايبيـني أتكلم الا معــاه وبجنون غيرته صار يعذبنـي



ولو تأخرت لحظة عن لقـاه يزعل ويقـول ليه تكرهنـي

المشكله انه يعرف غــلاه ويعرف انـه بحبـه مجننـي



لو زعل أضيع في دنيــاه و أتمنـى لو الأرض تبلعنـي

ياويلي بس لو جاني جفـاه أتعب والبعد حيل يضايقنـي



ما أقدر أتحمل لحظة فرقـاه أتعب وأحس ضميري يأنبنـي

أحيان أقول خلاص أبنسـاه وبروح وبقولـه لا تكلمنـي



وأقول أحسن أعيش بليـاه ماأبي يتصل ولا يسأل عنـي

يمكن أرتاح من حبه وبلـواه يمكن البعد عنه راح يريحنـي



ولما أروح وأتقابل معــاه ألقى اللهفة فيني تقتلنــي

وأنسى اللي كنت أنا أبغـاه وألقى كل أحاسيسي تكذبني



فجأه ألقى نفسي بين دفـاه وأضم صدره لين مايحرقنـي

وأتنفس من شفاته و هـواه وأقول له ماأبيك تبعد عنـي



وأنسى اني قلت أبي أنسـاه وأتذكر انه بالحيل واحشني

أحسه مالكني بحبه وغـلاه وبلون عيونه أحسه ساحرني



بروحي و حياتي أنا أفـداه فديت حبه حتى لو متعبني

ما أقول غير بجنون أهـواه وعن حبه اللـه لايبعدنـي

[«*حــدنـي وقـتــي*»]

صح لسانك قلب الامارات وعسى الله ما يبعدك عن كل من تحبين

تقبل مروري البسيط اخوك حدني وقتي

[جريحة رووح]

هلا وغلا بالغالي قلب الامارات


احترت ماذا اكتب لاكن سأأسالك ماصلتك بالإبداع هل انت اساسه
او هو مشتق منك مشاركاتك في غاية الجماااال

تقبل مروري المتواضع

[الامـــ قلب ـــارات]

تسلم أخويه


************************* حــــــــــــــدني وقتي ************************************


وربي يعطيك العافيه على مرورك الطيب

اما بالنسبه للبعد عن الاحباب فالدنيا يالغلا كلها فراق في فراق وما فيه حبيب يظل ويه حبيبه واذ ا كان

في حب من الاساس فاكيد راح يكون من طرف واحد ويا ويلي على الطرف الثاني الي يطنش .



السموووووووووووحه


وتسلم مرة ثانيه والله لايفرقكم عن شخص محب

[الامـــ قلب ـــارات]

تسلمين يالغلا


جريحة رووووووووووح على مرورج الطيب لا خلا ولا عدم يا رب


وربي يعطيج العافيه


وانشالله ما تنجرحين في يوم من الايام


يالغلا