ليت كل القلوب اللي تحب بجنون ..

[سووالف حـزن]

ليت كل القلوب اللي تحب بجنون ..
تعرف إن المحبه جنه في هجير ..

كل دمعه عزيزه لأجل غالي تهوون ..
لأجل شوف الحبايب كل قاسي يسير ..

لي حبيب أحبه والمحبة فنون ..
كل ما اذكر غرامه من غرامه أطير ..

ماعشقته رياح ولا عشقته سكون ..
نسمه داعبتني تمتزج مع عبير

فوحها من غرامه تحتويني بهون ..
كيف مايحتويني حب قلب كبير ..

إن زعلت وتراخت هامتي والمتون ..
مد كفه وطبطب قال لي : مايصير ..

ابتسامه محبه وارتعاشه جفون ..
ترسم الكون فرحه من هنا للأخير ..

عن شتاتي بلاد وعن همومي حصون ..
صرت فارسة بلاده والأميره الأسير ه..

قلت له لاتغيب وقال لي كيف أكون ..
قلت عطني يدينك حس قلب كسير ..

خايفه الحلم يفنى بين هم وظنون ..
وخايفه اليأس يحفر قبر حلم صغير ..

وخايفه الدمع يصحى من مهاد العيون ..
وخايفه اصحى وأشاهد واقعي والمصير ..

ضمني حيل أنا محتاج صدر حنون ..
مدري وش صار فيني بس ماني بخير ؟؟

مما قرأت وأعجبني

[سعد مستشار الملكه]

ضمني حيل أنا محتاج صدر حنون ..
مدري وش صار فيني بس ماني بخير ؟؟

صح اللسانك
أخت سوسو
وارجع واقول لو تلف الكون كله ما راح تلقى اجمل واعطر وألطف وأدفى من صدر الأم بحنانها
الله يطولنا بأعمار امهاتنا ويجلعلنا الله انشاء الله بارين لوالدينا

تسلمي أخت سوسو على عذب الكلام الجميل 00 تقبلي مروري اخوكي سعد